Comhpháirtíochtaí Idirnáisiúnta

An méid a dhéanann an tAontas Eorpach

Global Gateway in Benin: Project FORSUN/DEFISSOL — Global Gateway i mBeinin

Tá comhpháirtíochtaí idirnáisiúnta an Aontais ríthábhachtach chun a ról domhanda a neartú trí chaidreamh inbhuanaithe comhthairbheach a chothú le tíortha ísealioncaim agus meánioncaim.

Cumhdaíonn na comhpháirtíochtaí sin an Afraic fho-Shahárach, an Áise, an tAigéan Ciúin, Meiriceá Laidineach agus Muir Chairib chomh maith le críocha an Aontais thar lear.

Tá sé d’aidhm ag an Aontas domhan níos cothroime, níos athléimní agus níos inbhuanaithe a mhúnlú, trí ailíniú le Spriocanna Forbartha Inbhuanaithe na Náisiún Aontaithe. Cuireann comhpháirtíochtaí idirnáisiúnta le rathúnas, athléimneacht agus slándáil an Aontais chomh maith.

Mórthionscnamh is ea Global Gateway, an straitéis infheistíochta €300 billiún lena ndírítear ar an méid seo a leanas: bonneagar cliste glan slán; tacú le hinfheistíochtaí oideachais, infheistíochtaí sláinte agus infheistíochtaí taighde, agus comhpháirtíochtaí cothroma a chinntiú atá bunaithe ar luachanna.

Tacaíonn comhpháirtíochtaí idirnáisiúnta an Aontais le tíortha i gcomhthéacsanna leochaileacha freisin trí sheirbhísí bunúsacha a chur ar fáil. Thairis sin, tugann siad aghaidh ar bhunchúiseanna na himirce neamhrialta, ina measc sin trí líonraí gáinneála daoine a chomhrac go comhpháirteach.

Trí chur chuige Team Europe, cinntíonn an tAontas go gcuirtear na tionscnaimh sin i bhfeidhm go héifeachtúil trí iarrachtaí a chomhordú i measc institiúidí an Aontais, na mBallstát, an Bhainc Eorpaigh Infheistíochta agus an Bhainc Eorpaigh Athfhoirgníochta agus Forbartha.

Príomhfhigiúirí

€300 billiún

Sin cuspóir infheistíochta Global Gateway do 2021-2027

120

Sin líon na gcomhpháirtíochtaí ar fud na hAfraice, an Aigéin Chiúin, Chríocha Mheiriceá agus Mhuir Chairib

41%

Sin an sciar de rannchuidiú an Aontais agus a Bhallstát le cúnamh forbartha an domhain

Réimsí gníomhaíochta

Digiteach

Féach leat an chaoi a neartaíonn Global Gateway naisc idir an Eoraip agus an chuid eile den domhan, rud a chuidíonn chun an deighilt dhigiteach a dhúnadh

Aeráid agus fuinneamh

Féach leat an chaoi a dtacaíonn Global Gateway le hinfheistíochtaí sa mhaolú ar an athrú aeráide, san athléimneacht agus san fhuinneamh glan

Iompar

Féach leat an chaoi a gcuireann Global Gateway infheistíochtaí bonneagair domhanda chun cinn le haghaidh líonraí iompair atá inbhuanaithe, cliste, athléimneach, cuimsitheach agus sábháilte

Sláinte

Faigh amach faoi iarrachtaí Global Gateway chun acmhainneachtaí cúraim sláinte a neartú ar fud an domhain

Oideachas agus taighde

Féach leat an chaoi a bhfuil Global Gateway ag infheistiú in oideachas ardcháilíochta agus comhar níos láidre a chothú sa taighde agus sa nuálaíocht

An imirce agus easáitiú éigeantais

Foghlaim faoin méid a dhéanann an tAontas Eorpach chun an imirce a dhéanamh sábháilte, eagraithe agus rialta

Síocháin agus rialachas

Féach leat an chaoi a gcuireann an tAontas cearta an duine, an daonlathas agus an smacht reachta chun cinn ar fud an domhain

Comhionannas inscne

Foghlaim faoin méid a dhéanann an tAontas ar fud an domhain chun cearta na mban a chur chun cinn

An óige

Foghlaim faoin gcaoi a gcumhachtaíonn an tAontas daoine óga ar fud an domhain mar phríomhspreagthaí athraithe dhearfaigh

Na príomhéachtaí

Tá Global Gateway curtha i bhfeidhm ag an Aontas ar fud an domhain, agus sheol sé pacáistí infheistíochta san Afraic, san Áise Thoir Theas, i Meiriceá Laidineach, i Muir Chairib agus san Áise Láir. Tá breis agus 250 príomhthionscadal ar siúl.
Tá cúig phacáiste le haghaidh an gheilleagair dhigitigh seolta ag an Aontas chun forbairt dhigiteach dhuinelárnach a chothú. Mar shampla, úsáideann Clár Copernicus um Fhaire na Cruinne sna hOileáin Fhilipíneacha sonraí satailíte chun rioscaí tubaistí a bhainistiú agus chun nascacht a fheabhsú.
Cuidíonn an tAontas leis an Namaib saoráidí hidrigine glaise a fhorbairt, agus ar an gcaoi sin, a bheith ina ceannaire san fhuinneamh in-athnuaite. Tacaíonn sé le Cósta Ríce ina iarracht an córas iompair phoiblí a leictriú, agus cuidíonn sé le Muir Chairib acmhainn eacnamaíoch a dhéanamh d’algaí Sargasach.
Cuireann an Chonair Iompair Thras-Chaispeach agus Conair Lobito feabhas ar bhealaí trádála idir an Eoraip, an Áise agus an Afraic.
Le Straitéis Sláinte Domhanda an Aontais, neartaítear córais sláinte agus slabhraí soláthair cógas leighis. Mar shampla, le Tionscnamh Team Europe maidir le vacsaíní agus cógais leighis, leathnaítear an rochtain ar vacsaíní agus cuirtear borradh faoin táirgeadh cógaisíochta áitiúil san Afraic.
Tá méadú faoi dhó nach mór tagtha ar mhaoiniú an Aontais don oideachas i dtríú tíortha, é ag díriú ar chomhionannas inscne agus ar oiliúint múinteoirí.

Sa spotsolas

An Namaib a ullmhú chun athrú ó bhonn a dhéanamh ó thaobh na hidrigine glaise de

Tá acmhainní móra fuinnimh gaoithe agus gréine agus fosuithe móra mianraí sa Namaib, mar sin tá gach rud aici atá de dhíth chun bheith ina geilleagar tionsclaíoch glas iomaíoch.

Le tionscnamh Global Gateway suas le €20 billiún, spreagfar seacht dtionscadal hidrigine glaise agus, ag an am céanna, laghdófar spleáchas na tíre ar leictreachas iompórtáilte.

Tá tuilleadh eolais ina leith ar fáil anseo