X’tagħmel l-UE L-Unjoni Ewropea taħdem biex ikollna garanzija li l-ikel kollu li nieklu fl-Ewropa ma jagħmlilniex ħsara. Ir-regoli tal-UE jistabbilixxu standards għoljin dwar kif l-ikel jiġi prodott, ipproċessat, ittrasportat, u mibjugħ. Il-katina tal-ikel hija koperta kollha kemm hi, sabiex l-ikel li jasal fil-platti tagħna mhux biss ma jagħmlilniex ħsara iżda nkunu nistgħu wkoll inkunu nafu s-sors tiegħu.Il-liġijiet tal-UE dwar is-sikurezza tal-ikel huma msejsin fuq il-pariri xjentifiċi tal-Awtorità Ewropea dwar is-Sigurtà fl-Ikel, li tidentifika u tivvaluta r-riskji fl-ikel tagħna, kemm jekk ikunu ġejjin minn batterji kif ukoll jekk ikunu kkaġunati minn sustanzi kimiċi jew perikli oħrajn.Sabiex jiġi żgurat li dawn l-istandards jiġu rrispettati, il-Kummissjoni Ewropea u l-awtoritajiet nazzjonali jwettqu kontrolli u spezzjonijiet regolari. Jekk tinqala’ problema, bħal bi prodotti kkontaminati, is-Sistema ta’ Twissija Rapida għall-Ikel u l-Għalf (RASFF) tal-UE tippermetti lill-pajjiżi jaqsmu l-informazzjoni bejniethom u jirtiraw il-prodotti mhux sikuri mis-suq malajr.L-UE tuża wkoll għodod diġitali bħat-TRACES biex tittraċċa l-annimali u l-prodotti tal-ikel irrispettivament mill-fruntieri, u b’hekk tipprevjeni t-tixrid tal-mard u tmantni s-sikurezza tal-kummerċ.L-UE tiżgura wkoll li l-konsumaturi jkollhom l-informazzjoni t-tajba. Il-fatt li għandna regoli ċari dwar it-tikkettar tal-ikel ifisser li tista’ tara x’fih l-ikel tiegħek — mill-allerġeni sal-valuri nutrizzjonali u minn fejn jiġi. Jekk iseħħ inċident marbut mas-sikurezza tal-ikel, l-awtoritajiet jaġixxu malajr biex jgħarrfu lill-pubbliku u jikkoordinaw is-sejħiet lura meta dawn ikunu meħtieġa.Permezz tal-ftehimiet kummerċjali u l-kooperazzjoni globali tagħha, l-UE tippromwovi l-istess standards stretti tas-sikurezza tal-ikel internazzjonalment. B’dan il-mod, il-konsumaturi Ewropej jistgħu jserrħu rashom li l-ikel li jixtru, irrispettivament minn fejn ikun ġej, mhux se jagħmlilhom ħsara. Fatti dwar is-sikurezza tal-ikel 40 miljun impjiegfis-settur tal-ikel u tal-biedja tal-UE€154.9 miljunf’għotjiet għas-sikurezza tal-ikel ipprovduti lill-pajjiżi tal-UE u mhux tal-UE fl-2023Aktar minn 90 pajjiżjużaw il-pjattaforma TRACES biex jiżguraw is-sikurezza u t-traċċabbiltà tal-ikel L-oqsma ta’ azzjoniIt-tnaqqis tal-ħela tal-ikelIt-titjib tas-sostenibbiltà, is-sikurezza, u l-affordabbiltà tal-produzzjoni u l-konsum tal-ikelL-istandards tas-sikurezza tal-ikelIl-protezzjoni tal-konsumaturi b’regoli stretti, sorveljanza xjentifika, u twissijiet rapidiRegoli dwar is-saħħa tal-pjantiIl-prevenzjoni, il-monitoraġġ, u l-kontroll tal-pesti u tal-mard biex jiġu protetti l-pjantiIs-Sistema ta’ Twissija Rapida għall-Ikel u l-GħalfNiggarantixxu reazzjoni malajr meta jinstabu riskji għas-saħħa pubblikaIl-Bażi tad-Data tal-UE dwar il-PestiċidiInformazzjoni dwar is-sustanzi attivi, il-livelli massimi ta’ residwi, u l-awtorizzazzjonijiet ta’ emerġenza Il-kisbiet ewlenin Il-Liġi Ġenerali tal-UE dwar l-Ikel stabbilixxiet sistema soda u bbażata fuq ix-xjenza li tipproteġi lin-nies, lill-annimali, u lill-ambjent, u b’hekk jiġi żgurat li d-deċiżjonijiet kollha dwar is-sikurezza tal-ikel ikunu bbażati fuq provi konvinċenti.Minn mindu nħolqot fl-2002, l-Awtorità Ewropea dwar is-Sigurtà fl-Ikel (EFSA) saret il-bażi xjentifika tal-politika tal-UE dwar is-sikurezza tal-ikel, billi tipprovdi pariri xjentifiċi affidabbli u komunikazzjoni ċara dwar ir-riskji tul il-katina tal-ikel.Is-Sistema ta’ Twissija Rapida għall-Ikel u l-Għalf (RASFF) saħħet il-kapaċità tal-UE li tirrispondi malajr meta jinqalgħu riskji għas-sikurezza tal-ikel, u b’hekk jiġi żgurat li prodotti mhux konformi jitneħħew malajr mis-suq.Il-pjattaforma TRACES għat-traċċabbiltà tal-ikel tippermetti lill-awtoritajiet u lill-kummerċjanti jżommu kont taċ-ċirkulazzjoni transfruntiera tal-ikel, tal-annimali, u tal-għalf — dan itejjeb it-trasparenza, jiffaċilita l-kummerċ, u jgħin fit-trażżin tat-tifqigħat tal-mard jew tal-kontaminazzjoni.In-Network ta’ Twissija u ta’ Kooperazzjoni (ACN) isaħħaħ il-kollaborazzjoni bejn l-Istati Membri, filwaqt li jiżgura li l-informazzjoni dwar il-kontrolli uffiċjali fil-katina agroalimentari tinqasam b’mod effiċjenti. Taħt il-lenti Zero Waste, More Taste! Ktieb tar-riċetti biex issajjar b’mod kreattiv u sostenibbliIl-ktieb tat-tisjir “Zero Waste, More Taste!”, li fih 27 riċetta mill-aqwa koki Ewropej, juri kif il-fdalijiet u l-ingredjenti ta’ kuljum, li spiss jispiċċaw jintremew, jistgħu jinbidlu f’ikliet delizzjużi u li ma jħallux skart. Kull riċetta tinkludi suġġerimenti prattiċi biex tnaqqas il-ħela tal-ikel u biex tagħmel l-aħjar użu minn dak li diġà għandek fil-kċina. Minbarra l-ktieb tat-tisjir, hemm ukoll 10 filmati qosra ppakkjati b’ideat ta’ riċetti faċli u li jsiru malajr biex mill-fdalijiet tal-ikel toħroġ ikliet li jiftħulek l-aptit. Gawdi t-tisjir b’mod sostenibbli u skopri kif it-tisjir li ma joħloqx skart jista’ jkun bnin, kreattiv, u stimulanti.Sir af aktar L-aħħar aħbarijiet 9 Diċembru 2025Remarks by Commissioner Várhelyi on the reinforcement of controls on products imported into the EU9 Diċembru 2025Commission announces reinforcement of controls on products imported into the EUAra kollox Informazzjoni relatataId-Direttorat Ġenerali għas-Saħħa u s-Sikurezza AlimentariFinanzjamentIl-bażijiet tad-data tal-UE dwar is-sikurezza tal-ikel u servizzi online oħrajn
L-Unjoni Ewropea taħdem biex ikollna garanzija li l-ikel kollu li nieklu fl-Ewropa ma jagħmlilniex ħsara. Ir-regoli tal-UE jistabbilixxu standards għoljin dwar kif l-ikel jiġi prodott, ipproċessat, ittrasportat, u mibjugħ. Il-katina tal-ikel hija koperta kollha kemm hi, sabiex l-ikel li jasal fil-platti tagħna mhux biss ma jagħmlilniex ħsara iżda nkunu nistgħu wkoll inkunu nafu s-sors tiegħu.Il-liġijiet tal-UE dwar is-sikurezza tal-ikel huma msejsin fuq il-pariri xjentifiċi tal-Awtorità Ewropea dwar is-Sigurtà fl-Ikel, li tidentifika u tivvaluta r-riskji fl-ikel tagħna, kemm jekk ikunu ġejjin minn batterji kif ukoll jekk ikunu kkaġunati minn sustanzi kimiċi jew perikli oħrajn.Sabiex jiġi żgurat li dawn l-istandards jiġu rrispettati, il-Kummissjoni Ewropea u l-awtoritajiet nazzjonali jwettqu kontrolli u spezzjonijiet regolari. Jekk tinqala’ problema, bħal bi prodotti kkontaminati, is-Sistema ta’ Twissija Rapida għall-Ikel u l-Għalf (RASFF) tal-UE tippermetti lill-pajjiżi jaqsmu l-informazzjoni bejniethom u jirtiraw il-prodotti mhux sikuri mis-suq malajr.L-UE tuża wkoll għodod diġitali bħat-TRACES biex tittraċċa l-annimali u l-prodotti tal-ikel irrispettivament mill-fruntieri, u b’hekk tipprevjeni t-tixrid tal-mard u tmantni s-sikurezza tal-kummerċ.L-UE tiżgura wkoll li l-konsumaturi jkollhom l-informazzjoni t-tajba. Il-fatt li għandna regoli ċari dwar it-tikkettar tal-ikel ifisser li tista’ tara x’fih l-ikel tiegħek — mill-allerġeni sal-valuri nutrizzjonali u minn fejn jiġi. Jekk iseħħ inċident marbut mas-sikurezza tal-ikel, l-awtoritajiet jaġixxu malajr biex jgħarrfu lill-pubbliku u jikkoordinaw is-sejħiet lura meta dawn ikunu meħtieġa.Permezz tal-ftehimiet kummerċjali u l-kooperazzjoni globali tagħha, l-UE tippromwovi l-istess standards stretti tas-sikurezza tal-ikel internazzjonalment. B’dan il-mod, il-konsumaturi Ewropej jistgħu jserrħu rashom li l-ikel li jixtru, irrispettivament minn fejn ikun ġej, mhux se jagħmlilhom ħsara.
It-tnaqqis tal-ħela tal-ikelIt-titjib tas-sostenibbiltà, is-sikurezza, u l-affordabbiltà tal-produzzjoni u l-konsum tal-ikel
L-istandards tas-sikurezza tal-ikelIl-protezzjoni tal-konsumaturi b’regoli stretti, sorveljanza xjentifika, u twissijiet rapidi
Regoli dwar is-saħħa tal-pjantiIl-prevenzjoni, il-monitoraġġ, u l-kontroll tal-pesti u tal-mard biex jiġu protetti l-pjanti
Is-Sistema ta’ Twissija Rapida għall-Ikel u l-GħalfNiggarantixxu reazzjoni malajr meta jinstabu riskji għas-saħħa pubblika
Il-Bażi tad-Data tal-UE dwar il-PestiċidiInformazzjoni dwar is-sustanzi attivi, il-livelli massimi ta’ residwi, u l-awtorizzazzjonijiet ta’ emerġenza
Zero Waste, More Taste! Ktieb tar-riċetti biex issajjar b’mod kreattiv u sostenibbliIl-ktieb tat-tisjir “Zero Waste, More Taste!”, li fih 27 riċetta mill-aqwa koki Ewropej, juri kif il-fdalijiet u l-ingredjenti ta’ kuljum, li spiss jispiċċaw jintremew, jistgħu jinbidlu f’ikliet delizzjużi u li ma jħallux skart. Kull riċetta tinkludi suġġerimenti prattiċi biex tnaqqas il-ħela tal-ikel u biex tagħmel l-aħjar użu minn dak li diġà għandek fil-kċina. Minbarra l-ktieb tat-tisjir, hemm ukoll 10 filmati qosra ppakkjati b’ideat ta’ riċetti faċli u li jsiru malajr biex mill-fdalijiet tal-ikel toħroġ ikliet li jiftħulek l-aptit. Gawdi t-tisjir b’mod sostenibbli u skopri kif it-tisjir li ma joħloqx skart jista’ jkun bnin, kreattiv, u stimulanti.Sir af aktar
9 Diċembru 2025Remarks by Commissioner Várhelyi on the reinforcement of controls on products imported into the EU
